Wasiirka arrimaha gudaha Soomaaliya,Ahmed Moallim Fiqi oo maanta booqasho ku tagay xarunta wasaaradda arrimaha gudaha Galmudug ayaa waxaa halkaas kusoo dhoweeyay Wasiirka Arrimaha Gudaha Galmudug, Cabdi Maxamed Jaamac (Cabdi Waayeel).
Soo dhaweynta ka dib ayaa waxaa ay labada wasiir ka wada hadleen arrimo badan oo ay ka mid yihiin dhismaha dowlaha hoose, Dib u heshisiinta, Deegaameynta iyo xasilinta goobaha laga xoreeyay Al-shabaab iyo xoojinta xiriirka labada Wasaaradood.
Ugu horeyn waxaa goobta ka hadlay Wasiirka arrimaha gudaha Galmudug, Cabdi Maxamed Jaamac (Cabdi Waayeel) kaas oo sheegay in ay ku faraxsanyihiin booqashada maanta uu ugu yimid wasiirka arrimaha gudaha Soomaaliya Mudane Axmed Moallim Fiqi.
Dhankiisa Wasiir Fiqi oo goobta ka hadlay ayaa ugu mahadceliyay Wasiir Wayeel iyo dhammaan shaqaalaha ka howlgala wasaaradda sida wanagsan ay usoo dhaweeyeen ,sidoo kalena ku dhiirigaliyay in ay labo jibaraan dadaalkooda shaqada.
Xafiiska Shabakada Allbanaadir.com
Muqdisho Somalia
Allbanaadir@live.com
