Madaxweynaha Dowladda Koonfur Galbeed Mudane Cabdicasiis Xasan Maxamed Laftagareen ayaa wareegto uu saakay soo saaray ku magacaabay wasiirka cusub ee wasaaradda cadaaladda maamnulka Koonfur Galbeed.
Wareegtada uu soo saaray Madaxweyne Cabdicasiis Laftagareen ayaa loogu magacaabay Xasan Cabduqaadir Maxamed in uu noqdo wasiirka cusub ee wasaaradda cadaaladda Koonfur Galbeed oo dhoor bilood wasiir la’aan aheyd.
Wasiirkii hore ee wasaaradda Sheekh Xasan Ibraahim Lugbuur ayaa bartamihii sannadkan lagu dilay qarax miino oo ka dhacay magaalada Baydhabo, xilli uu wasiirka kasoo baxay masaajid uu ka aqriyay qudbadii salaada jimacaha.
Wasiirka la dilay ayaa ahaa nin sheekh ah oo si weyn looga yaqaanay, waxaana xukun dil ah lagu fuliyay ninkii ka dambeeyay dilka wasiir Lugbuur oo kamid ahaa wasiiradda ugu saameynta badnaa maamulka Koonfur Galbeed.
Xafiiska Shabakada Allbanaadir.com
Muqdisho Somalia
Allbanaadir@live.com
