Ciidamada milatariga Soomaaliya oo gacan ka helayay ciidamada maamulka Galmudug iyo kuwa deegaanka ayaa goordhaw si buuxda ula wareegay deegaanka Qaayib oo hoostaga degmada Baxdo ee gobolka Galgaduud.
Sida aan wararka ku helnay ciidamada huwanta ah oo watay gaadiid dagaal oo aad u badan ayaa dhoor jiho ka galay deegaanka Qaayib oo fariisib muhiim ah u ahaa Al Shabaab in muddo ahna halkaasi ka talinayay.
Dagaalyahanada kooxda Al Shabaab ayaa la sheegay in deegaanka isaga baxeen kahor inta aysan soo galin ciidamada huwanta ah, waxaana wararka qaar sheegayaan in Al Shabaab burburiyeen ceelashii deegaankaasi iyo xarumo kale.
Saraakiil hoggaamineysa ciidanka goordhaw la wareegay deegaanka Qaayib ayaa sheegay in ay kusii daba jiraan firxadka ah Al Shabaab, waxa ayna xuseen in howlgalkooda in uusan kaliya ku ekeen la wareegida deegaanka ayna sii soconayaan.
Ciidamada dowladda oo gacan ka helaya kuwa deegaanka Beesha reer Xaaji Saleebaan ayaa muddooyinkii lasoo dhaafay waday dhaqdhaqaaqyo ay ku doonayaan in Al Shabaab uga saaraan deegaanada beeshaasi degto ee kuyaalla Galgaduud iyo Mudug.
Xafiiska Shabakada Allbanaadir.com
Muqdisho Somalia
Allbanaadir@live.com
