Wararka ka imaanaya magaalada Kismaayo ee xarunta KMG ee maamulka Jubbaland ayaa sheegaya in goordhaw weerar xooggan oo ku bilowday qarax ismiidaamin ah lagu qaaday hotelka Tawakal ee kuyaalla Kismaayo.
Qaraxa oo jugtiisa si weyn looga maqlay magaalada Kismaayo ayaa lagu weeraray hotelka Tawakal, waxaana qaraxa kaddib la maqlayaa rasaas xooggan oo lasoo sheegayo in ay yihiin weerar rag hubeesan ku galeen dhismaha hotelka.
Ciidamada ammaanka Jubbaland oo goobta gaaray ayaa isku dayaya in ay soo afjaraan weerarka dableyda hubeesan goordhaw ku galeen dhismaha hotelka Tawakal oo kamid ah hoteelada caanka ah ee kuyaalla Kismaayo.
Sida aan wararka horu dhaca ah ku heleyno qaraxan goordhaw lagu weeraray hotelka Tawakal ayaa dhaliyay khasaaro isugu jira dhimasho iyo dhaawac, waxaana goobta weerarku ka dhacay degdeg u gaaray ciidamada amniga.
Waxii warar ah ee kusoo kordha weerarkan kala soco wararkayaga dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
