Taliyaha Ciidanka Xoogga dalka ayaa kormeeray fariisimaha ciidanka xoogga dalka ku leeyihiin degaanka Xawaadley ee duleedka degmada Balcad gobolka Sh/dhexe.
Xawaadley ayaa ka mid ah degaano ka tirsan Sh/dhexe oo maalmo ka hor ciidanka xoogga dalka kala wareegeen Al-shabaab oo muddo badan ka talineysay
Jen Odowaa Yuusuf Raage ayaa kormeerkiisa shaqo ee ku Tegay deegaanka xawaadlay ugu kuur galay xaalada degmadaas iyo qaabka ay ciidamadu uga howlgalaan.
Taliyaha Ciidanka Xoogga Dalka ayaa ciidanka ku sugan deeganka Xawaadley ku booriyey difaaca shacabka soomaliyeed iyo sifeeynta kooxda Al-shabaab.
Degaanka Xawaadley ayaa ah mid istaraatiiji ah oo ay ku taallo buundo Al shabaab iskaga kala gudbi jireen gobolada dhexe iyo gobolada koofureed ee dalka.
Xafiiska Shabakada Allbanaadir.com
Muqdisho Somalia
Allbanaadir@live.com
