Ciidamada ammaanka ayaa maanta gacanta ku dhigay nin hubeesan oo la sheegay in rasaas ku furay goobo ganacsi oo kuyaalla Suuqa, ninkan ayaana saacado qalqal galiyay ganacsigii ka jiray suuqa.
Taliyaha booliiska saldhigga Howlwadaag Najiib Carab ayaa warbaahinta u sheegay in ganacsatada suuqa bakaaraha kusoo wargaliyeen laamaha amniga ninka hubeesan ee rasaasta ku furay goobo ganacsi oo suuqa kuyaalla.
Waxa uu sheegay taliyaha in ninkan hubeesan uu katirsanaa kooxda Daacish, waxa uuna xusay in gacanta lagu hayo uuna ku socdo baaris , waxa uuna cadeeyay in shacabka markan iska diideen handadaada kooxaha hubeesan.
Warar soo baxaya ayaa sheegaya in ninka hubeesan uu katirsanaa kooxda Daacish, waxaana ninkan xilligii la qabanayay la sheegay in uu cabsi galin ku hayay qaar kamid ah ganacsatada Suuqa Bakaaraha.
Kooxda Daacish ayaa horey u xir xirtay qaar kamid ah goobaha ganacsi ee kuyaalla suuqaasi, kuwaa oo la sheegay in ay ka biyo diideen bixinta lacago baad ah oo ganacsatada ku amreen in ay bixiyaan.
Xafiiska Shabakada Allbanaadir.com
Muqdisho Somalia
Allbanaadir@live.com
