Qarax miino ayaa galabta casar gaabadkii ka dhacay degaano ka tirsan gobolka Hiiraan oo dhowaan laga saaray kooxda Al-shabaab.
Sida Wararku nagu soo gaarayaan qaraxan ayaa ka dhacay degaano u dhexeeyo degmooyinka Moqokori iyo Maxaas ee gobolka Hiiraan.
Gaari ay la socdeen ciidamada dowlada ayaa la sheegay iney miino dhulka lagu aasay ku qabsatay meel u dhexeysa labada degmo.
Askari ka tirsan ciidamada dowlada iyo qof shacab ahaa ku dhintay qaraxaas, halka qaar kale ay ku dhaawacmeen sida ay xaqiijiyeen saraakiil halkaas ku sugan.
Ciidamada ayaa xiliga qaraxaas uu qabsanayey ku jiray howlgalo ka dhan ah Al-shabaab oo ka socday aagaas, iyadoo dhaqdhaqaaqyada ciidan ee ka jiray degaanadaas ay ahaayeen kuwo joogto ah todobaadyadii la soo dhaafay.
Xafiiska Shabakada Allbanaadir.com
Muqdisho Somalia
Allbanaadir@live.com
