Taliye Odowaa oo War ka soo saaray dagaal ka dhacay duledka Dhuusamareeb

Warar dheeraad ah ayaa ka soo baxaya dagaal gelinkii dambe ee maanta nawaaxiga deegaanka Sino-dhaqo ee Gobolka Galguduud ku dhexmaray Ciidanka Dowladda iyo dagaalyahano ka tirsan Al-shabaab.

Taliyaha Ciidanka Xoogga Odowaa Yuusuf Raage oo la hadlay Warbaahinta ayaa sheegay inay weerar ku qaadeen goob ay isku arruursanayeen Xubno ka tirsan Al-shabaab.

Waxaa uu tilmaamay inay dileen 10 xubnood oo ka tirsan Al-Shabaab, isagoo intaas ku daray in la burburiyay fariisimo ay isku diyaarinayeen, ayna ku raad joogaan firxadkii ka baxsaday goobtaas.

Ma jiraan warar madax banaan oo sheegaya qaabka uu dagaalkaas u dhacay iyo khasaaraha rasmiga ah ee ka dhashay.

Ciidamada Xoogga iyo dadka deegaanka ayaa dhaqdhaaqyo Ciidan ka wada Gobolada Galgaduud iyo Hiiraan, kaasoo ka dhan ah dagaalameyaasha al-shabaab.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -