Guddiga ka hor tagga iyo u diyaar garowga Cudurka Coronavirus u qaabilsan Jubbaland ayaa maanta kulan ku yeesheen Magaalada Kismaayo ayaa waxaa ay soo saareen Go’aano la xiriira Cudurka COVID-19 iyo sidii looga hortagi lahaa faafidiisa
Guddiga ayaa waxay soo saareen Awaamir Cusub oo lagu xakameynayo Cudurka, kuwaasoo kala ah.
1-In Dadka ku nool Magaalada Kismaayo ay yareeyaan isku imaatinka badan si looga digtoonaado faafitaanka Cudurka Coronavirus.
2-In Waqtiga lagu jiro Salaadaha Faralka ah ee waajibka aan laga dheereyn 10 daqiiqo taasoo ku socota Imaamyada Masaajidda.
3-In aan la furin Musqulaha iyo qeybta weeysada ee Masaajidda qof walbana uu Gurigiisa kasoo weeyso qaato.
4-In la mamnuucay in salaadda Taraawiixda Masaajidda lagu tukado.
Magaalada Kismaayo ayaa waxaa dhawaan laga helay laba kiis oo Cudurka Coronavirus ah sida lagu sheegay war ka soo baxay maamulka Jubbaland, iyadoo ay jiraan warar sheegaya in labadaas qof ay ka baxsadeen goob lagu karantiilay ayna dhex galeen bulshada taasoo haddii ay dhab noqoto sii xoojineysa faafida cudurkan.
Xafiiska Shabakada Allbanaadir.com
Muqdisho Somalia
Allbanaadir@live.com
