Dowlada Somalia ayaa war ka soo saartay howgal xalay Ciidanka sida gaarka ah u tababaran ee kumaandoska Xoogga Dalka Soomaaliya ee Danab ka fuliyeen degaanka Bukh-aqable oo qiyaastii 40km u jira degmada Buulo-burde ee gobolka Hiiraan halkaasoo saldhig weyn ay ku leeyihiin Al-Shabaab.
“Hawlgalka oo ahaa mid qorsheysan ayay Ciidanka Danab waxaa ay ku khaarijiyeen 18 ka mid ah maleeshiyaadka argagixisada Al-shabaab oo ay ku jiraan horjoogayaal, iyada oo gabi ahaan ay burburiyeen meelihii gabaadka u ahaa nabad diidka  Meelaha ay Ciidanka Xoogga burburiyeen waxaa ka mid ahaa xaruntii argagixisada ee deegaanka Bukh-aqable iyo meelihii Shacabka ay ku dhibaateyn jireen” ayaa lagu yiri qoraalka ka soo baxay wasaarada warfaafinta Somalia oo u qornaa sidatan hoose.
