WAR-SAXAAFADEED
Markii Ciidanka Xoogga Dalka Soomaaliyeed uu kordhiyay howlgalada lagu ciribtirayo Maleeshiyaadka Argagixisada Al-shabaab ayay Nabadiidku bilaabeen ineey marin habaabiyaan Shacabka Soomaaliyeed iyagoo faafinaya warar been abuur ah oo aan waxba ka jirin.
Sidaas darteed Taliska Ciidanka Xoogga Dalka Soomaaliyeed wuxuu cadeeynayaa inaysan waxba ka jirin sheegada kooxda Nabadiidka Al-shabaab oo ah inay askar katirsan Ciidanka Xoogga Dalka Soomaaliyeed ku dileen degaanka Nambar 60 ee Gobolka Shabeelaha hoose.
Hadaba waxaan Ummadda Soomaaliyeed u cadeeyneeyna inuu warkaasi yahay mid aan sal iyo raad lahayn oo been abuur ah.
Ugu dambeeyn ciidanka Xoogga Dalka Soomaaliyeed wuxuu u taagan sidii dalka oo dhan looga nadiifin lahaa Argagixisada dhibaatada ku heeysa Shacabkeena qiimahan.
DHAMMAAD
