Jaaliyadda Soomaaliyeed ee ku nool dalka UK ayaa si weyn ugu soo dhaweeyay dalkaas Guddoomiyaha Gobolka Banaadir ahna Duqa Muqdisho Mudane Cabdiraxmaan Cumar Cismaan (Eng. Yarisow) iyo wafdi la socda oo howlo shaqo halkaa ku tagay.

Guddoomiyaha Gobolka Banaadir ahna Duqa Muqdisho Mudane Cabdiraxmaan Cumar Cismaan (Eng. Yarisow) ayaa magaaladda Birmingham ee dalka Britain waxaa uu kulan wadatashi kula yeeshay qeybaha kale duwan ee Bulshadda Soomaaliyeed ee magaaladaas ku nool, waxaana Gudoomiyuhu uu kulankaas kaga warbixiyay horumarka dalka ka socda, gaar ahaa Caasimadda, isagoo ku booriyay ka soo qeybgalayaashii kulanka in ay ka qeyb qaataan horumarka dalka.

Masuuliyiintii kulanka ka hadashay ayaa Gudoomiye Gobolka Banaadir Eng. Yariisow kaga mahadceliyay Waxqabadka Muuqda ee maamulka uu Gudoomiyaha ka yahay uu ka sameeyay Magaalada Muqdisho.

Xafiiska Shabakada Allbanaadir.com
Muqdisho Somalia
Allbanaadir@live.com

- Advertisement -