Markab dagaal oo laga leeyahay dalka Turkiga ayaa ku soo xirtay Israel, taasoo ah imaanshihii ugu horeysay ee markan noocaan ah muddo toban sano ka badan, iyadoo xiriirka labada dal uu soo hagaagayo kadib markii khilaaf xooggan oo la xiriira qadiyadda Falastiin uu ka dhex aloosmay.
Sida uu sheegay sarkaal Turki ah Markabka Kemalreis ayaa ku soo xirtay dekedda Haifa isagoo qeyb ka ah dhaqdhaqaaqyada NATO ee Badda Mediterranean-ka.
Israa’iil ayaa sheegtay in Ankara ay u gudbisay codsi horudhac ah oo ku aaddan in shaqaalaha markabka inay kasoo degaan xeebta.
Mas’uul ka tirsan dekedda Haifa ayaa sheegay inay tahay markii ugu horreysay oo markab ay leeyihiin ciidamada badda Turkiga uu ku soo xirto tan iyo 2010, markaasoo xiriirka laba geesoodka ah uu burburay kadib markii Israa’iil ay weerartay kolonyo gargaar ah Turkigu oo isku dayay inay jebiyaan go’doominta Marinka Gaza. Toban qof oo Turki ah ayay ciidamada badda Israa’iil ku dileen dhacdadaas.
