Guddoomiyaha golaha shacabka ee baarlamaanka federaalka Soomaaliya Sheekh Aadan Maxamed Nuur Madoobe ayaa sheegay in dhawwaan la qaban doono doorashada labo kursi oo ka banaan golaha shacabka.
Waxa uu sheegay guddoomiyaha in labada kursi ee doorashadooda la qaban doono kala yihiin kursiga HOP047 uu ku fadhiyay Mahad Salaad oo hadda ah taliyaha NISA iyo kursiga HOP086 uu kusoo baxay Fahad Yasaiin balse guddiga doorashada diideen natiijadiisa.
Guddoomiyaha golaha shacabka ayaa sheegay in sharciga loo marayo doorashada labadaasi kursi ay xildhibaanada ka arrinsan doonaan, waxa uuna cadeeyay in doorashada labadan kursi la qaban doono inta lagu guda jiro kalfdahiga hadda socda.
Sheekh Aadan Madoobe ayaana sheegay in baarlamaanka sharci kasoo saari doonaan doorashada labada kursi in magaalada Muqdisho lagu qabto ama in lala aado dowlad goboleedyadii markii hore lagu soo doortay.
Kursigii Fahad Yaasiin kusoo baxay ee doorashadiisa la laalay ayaa ahaa kursigii ugu saameynta iyo hadal heynta badnaa doorashada golaha shacabka, waxaana kursigan la sheegay in Fahad loogu diiday siyaasad .
Xafiiska Shabakada Allbanaadir.com
Muqdisho Somalia
Allbanaadir@live.com
