Ra’iisul Wasaaraha XFS Mudane Maxamed Xuseen Rooble ayaa Shacabka Muqdisho ka codsaday in ay u dulqaataan xirnaanshaha jidadka caasimadda inta ay socoto munaasabadda caleemasaarka madaxweynaha maadaama ay dalka imaanayaan madax iyo wufuud heer sare ah.
Ra’iisul Wasaare Rooble ayaa faray Taliska Booliska in ay diyaariyaan gaadiid goobaha caafimaadka lagu geeyo dadka ay la soo darsaan xaaladaha caafimaad inta ay jidadku xiran yihiin.
Caleemo saarka Madaxweynaha Soomaaliya oo beri ka dhaceysa magaalada Muqdisho ayaa waxaa kasoo qeyb galaya madaxweynayaal, wasiiro iyo wafuud kale oo caalami ah.
Ciidamada ammaanka ayaa la filayaa saacadaha soo socda in ay xiraan wadooyin badan oo kuyaalla magaalada Muqdisho ayna hakiyaan isku socodka dadka iyo gaadiidka.
