Madaxweynaha Dowlad goboleedka Hirshabeelle Mudane Cali Guudlaawe Xuseen iyo xubno la socda ayaa maanta safar shaqo kusoo gaaray Magaalada Muqdisho.
Madaxweynaha waxaa garoonka diyaaradaha ee Aadan Cade Airport kusoo dhoweeyay Xildhibaan Maxamed Abuukar Islow Ducaale, qaar kamid ah Xildhibaanada Dowladda Hirshabeelle iyo Masuuliyiin kale.
Dhanka kale Madaxweynaha waxa uu garoonka diyaaradaha ee aadan cade kula kulmay Madaxweynihii hore ee Dalka Mudane Xasan Sheekh Maxamuud oo ay iska wareysteen xaaladaha guud ee dalka.
Safarkan shaqo uu Muqdisho u yimid Cali Guudlaawe ayaa kusoo aadaya xilli Hirshabelle aysan soo gabagabeyn doorashada gollaha shacabka laguna wado isbuuca soo socda in la doorto guddoonka labada aqal.
- Advertisement -
