Magaalada Maalmo ee dalka Sweden waxaa ka dhacay dil dad badan ka argagaxeen, kaddib markii wiil arday ah iskuul uu dhiganayay gudihiisa ku dilay labo kamid ah macalimiintii wax bareesay.
Booliiska magaalada Maalmo ayaa sheegay in ardaygan labada macalin ku dhax dilay dabaqa sare ee iskuulka, waxa ayna sheegeen booliiska in ay baarayaan sababta keentay dilka ardayga u geestay macalimiintiisa.
Warbaahinta dalka Sweden ayaa ku warantay ardayga dilka geestay in uu u wacay booliiska kuna wargaliyay falka uu geestay, waxaana falkan argagax badan uu ka abuuray gudaha iskuulkii uu dilku ka dhacay.
Booliiska war kasoo baxay ayey ku sheegeen in aysan aqoon hore u laheyd ardaygan dilka geestay horeyna dambiyo aan loogu eedeyn, waxa ayna saraakiisha booliiska cadeeyeen in ay baaris dheer ku sameyn doonaan sababta dilkan keentay.
Xafiiska Shabakada Allbanaadir.com
Muqdisho Somalia
Allbanaadir@live.com
