Madaxtooyada dowlad goboleedka Puntland ayaa caawa shaacisay in Madaxweynaha maamulkaas uu yahay musharax u taagan doorashada Madaxweynaha Somalia.
Afhayeenka Madaxtooyada Puntland ayaa goor dhow arrintan ku shaaciyey hadal uu soo saaray.
“Madaxweyne Deni wuxuu u taaganyahay xilka Madaxweynaha Soomaaliya, waa hoggaamiye samata bixin kara dalkeena. Soomaaliya waxay u baahantahay in dadku codeeyo iyo in nabad la helo labadaasina isaga ayaa ku suntan” ayuu yiri Afhayeen Xukuumadda Puntland Jaamac Dabarani.
Saciid Deni ayaa muddo dheer lagu xamanayey inuu isku diyaarinayo doorashada hogaanka ugu sareeya dalka, taasoo laga gartay sida uu maamulay doorashadii xubnaha labada aqal ee baarlamanka.
Talaabadan ayaa ku soo aadeysa xili Puntland ay soo gebagebeysay shalay doorashada xildhibaanada ku metelaya golaha shacabka baarlamanka Somalia.
