Ra’iisul Wasaaraha XFS Mudane Maxamed Xuseen Rooble ayaa shahaadooyin sharaf guddoonsiiyay xubnaha Guddiyada Doorashooyinka SEIT Somaliland, Heer Federaal, Guddiga Xallinta Khilaafaadka iyo Saraakiisha Amniga.
Xubnahan shahaado sharafta la siiyay ayaa ku muteystay howshii hagar la’aaneed ee ay ka qabteen hirgelinta doorashada xildhibaannada Labada Aqal ee BFS ku matalaya Gobollada Waqooyi ee Somaliland.
Xildhibaanada gobolada Waqooyi kumatalaya labada aqal ayaa doorashadooda lagu soo gabagabeeyay magaalada Muqdisho, xilli wali dowlad goboleedyada kale ee dalka ka jira ka socdaan doorashada xildhibaanada gollaha shacabka.
Gollaha Wadatashiga Qaran ayaa horey ugu heshiiyay in Doorashada Xildhibaanada gollaha shacabka lagu soo gabagabeeyo 25-ka bishan oo ku beegan beri oo jimco ah, waxaana muuqata in dib uga dhacday doorashada waqtigii lagu heshiiyay.
Jadwalka doorashada Soomaaliya ee horey loogu heshiiyay ayaana mar kale fashilmay, waxaana hada la doortay ku dhawaad 200-Xildhibaan, waxaana wali harsan xildhibaano badan oo doorashadooda la filayo in maalmaha soo socda dhacaan.
Xafiiska Shabakada Allbanaadir.com
Muqdisho Somalia
Allbanaadir@live.com
https://www.youtube.com/watch?app=desktop&v=wjwyaVuyeMw
