Qarax ayaa ciidamo ka tirsan kuwa Nabadsugida Somalia lagula eegtay degaanka Ceeljaale ee duleedka Magaalada Beledweyne, waxaana ka dhashay khasaaro dhimasho iyo dhaawac leh.
Qaraxa oo loo adeegsaday miino la aasay ayaa waxaa ku dhintay askari ka tirsanaa Ciidamada Nabad sugida halka mid kale uu ku dhaawacmay sida dad goob joogayaal ah ay warbaahinta u sheegeen
Ciidamada ayaa qaraxa ka dib furay rasaas fara badan taasoo aan la xaqiinin khasaaro ka dhashay, sidoo kale Ciidamada aya sameeyey howlgallo baaritaano ah.
Meydka askariga dhintay iyo midka ku dhaawacmay qaraxa Miino ayaa la gaarsiiyey Magaalada Beledweyne ee Xarunta Gobolka Hiiraan, Al-shabaab iyo maamulka gobolka ayaan labadaba ka hadlin weerarkan.
Xafiiska Shabakada Allbanaadir.com
Muqdisho Somalia
Allbanaadir@live.com
