Madaxweynaha Dowladda Galmudug mudane Axmed Cabdi Kaariye iyo wafdi ballaaran oo hoggaaminayay ayaa caawa soo gaaray magaalada Muqdishu ee caasimadda Dalka.
Madaxweynaha iyo wafdigiisa ayaa waxaa si diirran ugu soo dhaweeyay Garoonka Diyaaradaha ee Adan Cabdulle International Masuuliyiin ka tirsan Gobolka Banaadir, qaar ka mid ah Golaha Wasiirada XFS iyo xubnaha labada aqal ee BFS iyo masuuliyiin iyo madax kale oo ka tirsan Dowladda Galmudug.
Sida aan wararka ku helnay Madaxweyne Qoor Qoor ayaa inta uu magaalada Muqdisho jooga la kulmi doona Madaxda sare Dowlada Federaalka iyo sidoo kale qaar kamid ah Musharaxiinta Mucaaradka ee dhaliilsan nidaamka doorashada ku bilaabatay.
Madaxweynaha Galmudug ayaa sidoo kale wararku sheegayaan in uu safar u sii yahay dalka dibadiisa gaar ahaan dalka Turkiga oo la filayo in halkaasi maalmo soo joogo.
