Madaxweynihii xilka sida xooga looga tuuray ee dalka Guinea Alpha Condé ayaa dib u helay xuriyadiisa kadib mudo uu u xirnaa milatariga dalkaasi ee talada xooga uga tuuray 5-tii bishii September ee sanadkan.
Qoraal kasoo baxay Militeriga dalka Guinea ayaa lagu sheegay in madaxweynihii la afgembiyay Alpha Condé loo wareejiyay guriga xaakiisa oo ku yaalla magaalada caasimadda ah ee Conakry.
Waxa ay ku sheegeen militeriga qoraalka ee soo saareen in Madaxweyne hore Alpha Conde uu haatan la joogo xaaskiisa Hadja Djene Kaba Condé, waxa ayna cadeeyeen in amaanka madaxweynaha la xaqiijinayo.
Milatariga talada Guinea la wareegay ayaa shaaciyay inay xushmeynayaan madaxweynihii hore ee dalka isla markaana ay ka hortagi doonaan cadaadis kasta oo uga yimaada gudaha iyo dibadda.
Madaxweyne Alpha Condé, ayaa talada dalka Guinea xoog looga tuuray 5-tii bisha September ee sanadkan, waxa uuna Madaxweynaha oo xilka hayay mudo ka badan 11-sanadood xabsi ugu jiray maalmo badan milatariga xilka ka tuuray.
Xafiiska Shabakada Allbanaadir.com
Muqdisho Somalia
Allbanaadir@live.com
