Ciidamada Millateriga. Booliiska gaarka ah ee Haramcad iyo Ciidanka NISA ayaa howlgal wadajir ah ka fuliyay tuulooyin ka tirsan gobolka Sh/hoose.
howlgalada waxaa si gaar ah looga fuliyey degaanada Laanqeyrta, Tokyo, Ceel-Jaalle, Beerta Cali Mahdi, Boolo Fooliyo iyo qaar kale oo dhamaantood ku yaalla hareeraha Wabiga Shabelle.
Saraakiisha Ciidamada hoggaamineysa ayaa waxay sheegeen in goobaha qaar howlgalada laga fuliyay ay ku yaalleen Maxkamado ay lahaayeen Al-Shabaab oo la burburiyey.
Sidoo kale Saraakiishu waxay sheegeen in howlgalka lagu dilay Xubno ka tirsan Al-Shabaab, kuwaasoo dhibaateyn jiray dadka ku nool degaannada howlgalka laga fuliyay.
Saraakiishu ma sheegin tirada dagaalyahanada ay dileen, balse waxay xuseen in howlgaladaas ay dhamaantood guul ku soo dhamaadeen.
Xafiiska Shabakada Allbanaadir.com
Muqdisho Somalia
Allbanaadir@live.com
