Allaha u naxariistee Soomaali la oran jiray Sahal Maxamed Sahal oo 35 sano jir ahaa ayaa lagu dilay magaalada Toronto ee dalka Canada.
Sida ay sheegeen Booliska Toronto Sahal iyo laba gabar oo la socday ayaa rasaas lagu furay, xilli ay waddada marayeen.
Saddexdooda ayaa dhaawac ahaan loo geeyay Isbitaalka, walow Allaha u naxariisee Sahal uu markii dambe u geeriyooday dhaawacyadii soo gaaray.
Ilaa iyo hadda booliska ma aysan soo bandhigin cid lala xiriirinayo falkan, balse waxey sheegeen in la arkayay gaari cad oo goobta ka baxaya, ayna socdaan baaritaanno lagu ogaanayo dadka ka dambeeyay falkan.
Dadka goobta ka agdhawaa, ama haya muuqaallo la xiriira dhacdadan ayaa laga codsaday inay la xiriiraan booliska.
Xafiiska Shabakada Allbanaadir.com
Muqdisho Somalia
Allbanaadir@live.com
