Siyaasi caan ah oo u dhashay dalka Baxreyn horeyna loogu riday xukun xabsi daa’in ah ayaa la xaqiijiyay in uu geeriyooday, waxaana siyaasigan wararku sheegayaan in uu u geeriyooday xanuunka Covid-19.
Xuseen Barakaat oo 48-sano jir ahaa ayaa ku xirnaa xabsiga ugu weyn ee dalka Baxreyn waxaana siyaasigan markii xaaladiisa xumaatay loola cararay isbitaalka Salmaaniyah halkaas uu ku geeriyooday.
Xaaska Siyaasigan maxbuuska ahaa ee geeriyooday ayaa Warbaahinta u sheegtay in wacitaankii ugu dambeeyay ugu sheegay in uu aad u xanuunsanayo ayna dhibeyso neefsiga kana baqayo in uu geeriyoodo.
Siyaasigan geeriyooday ayaa sanadkii 2018-kii isaga iyo 53 qof oo kale oo kasoo horjeeday dowlada Baxreyn lagu xukumay Xabsi Daa’in, kadib, markii lagu eedeeyay in ay aas aaseen Unug Argagixiso.
Xafiiska Shabakada Allbanaadir.com
Muqdisho Somalia
Allbanaadir@live.com
