Wasiirka Maaliyadad Qatar, Ali Shareef al-Emadi la xiray, si loo weydiiyo su’aalo ku saabsan musuq-maasuq iyo ku tagri-fal awoodeed sida ay shaacisay Wakaaladda Wararka Dowladda Qatar ee QNA.
Warbixinta ayaa intaasi ku dartay in xariga wasiirka Maaliyadda uu amray Xeer-ilaaliyaha Guud ee Qatar, islamarkaana uu hadda socdo baaritaan ku aadan eedaha loo soo jeediyay wasiirka.
Majallada ka faalloota arrimaha dhaqaalaha caalamiga ah ee Baner ayaa sannadki 2020-ki u aqoonsatay Ali Shareef al-Emadi wasiirka ugu wanaagsan Wasaaradaha maaliyadda Bariga Dhexe.
Al-Emadi ayaa ahaa wasiirka Maaliyadda dalkan hodonka ah ee Khaliijka Carabta tan iyo sannadki 2013-ki. Wuxuu kaloo madax ka ahaa Sanduuqa Maalgashiga Qatar oo ay taallo lacag ka badan 300 oo bilyan oo dollar.
Xafiiska Shabakada Allbanaadir.com
Muqdisho Somalia
Allbanaadir@live.com
