Qeybta warbaahinta u qaabilsan kooxda Al-shabaab ayaa baraha ay ku leeyihiin internetka ku shaaciyey sawirro laga qaaday weerarkii maalmo ka hor dagaalyahanada kooxdaas ku qaadeen saldhiga ciidanka milateriga Somalia li leeyihiin degaanka Bariire ee gobolka Sh/hoose.
Al-shabaab ayaa sheegtay iney qabsadeen saldhigaas, ayna dileen 47 ka tirsan ciidamada dowlada ee halkaas ku sugnaa, sidoo kalena ay halkaas ka qaateen agab milateri oo ay ku jiraan gaadiid dagaal.
Sawirrada ay soo bandhigeen Al-Shabaab ayaa waxaa ka muuqda dagaalyahano dhex meereysanaya saldhiga, meydad askar ka tirsan DF oo dhulka waran, qeybo ka mid ah saldhiga oo gubanaya, qiiqna uu ka baxayo iyo waxyaabo kale.
Al-Shabaab ayaa isla habeenkaas weeraray saldhiga ciidanka DF ee degmada Aw-dheegle oo aan wax badan ka fogeyn Bariire, balse wararku waxay sheegayaan in lagu jebiyey weerarkaas, ciidamada Dowladana ay difaaceen saldhigooda, waxaana dhankooda Al-shabaab looga dilay dagaalyahano ka badan boqol askari sida ay sheegeen saraakiisha ciidanka DF.
HOOS KA DAAWO SAWIRADA
Xafiiska Shabakada Allbanaadir.com
Muqdisho Somalia
Allbanaadir@live.com
