Madaxweynaha Galmudug Axmed Cabdi Kaariye (Qoor-qoor) iyo wefdi uu hogaaminayo ayaa caawa maqribkii soo gaaray magaalada Muqdisho.
Qoor-qoor ayaa qeyb-galaya shirka Madaxda dowlada Federaalka, dowlad Goboleedyada iyo Gobolka Banaadir ee looga Hadlayo Arrimaha doorashooyinka dalka.
Madaxweynaha Soomaaliya Maxamed Cabdullaahi Farmaajo ayaa iskugu yeeray madaxda dowlad goboleedyada shir ka dhacaya Muqdisho oo mudnaanta lagu siinayo dhaqan gelinta Heshiiskii 17-kii Sebteembar ee doorashooyinka dalka iyo sii ambaqaadidda talooyinka iyo xalka ay soo gudbiyeen Guddiga Farsamada Arrimaha Doorashooyinka ee ku shiray Baydhabo intii u dhaxaysay 15-16kii bishan Febraayo sida lagu sheegay qoraal ka soo baxay Villa Somalia.
Shirka oo lagu waday inuu furmo shalay ayaan qabsoomin sababo la xiriira madaxda dowlad goboleedyada oo aan soo gaarin Muqdisho, iyadoo Laftagareen uu noqonayo madaxweynihii 3aad DG ee soo gaara Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
