Ra’iisul Wasaaraha Xukuumadda JFS Mudane Maxamed Xuseen Rooble, mas’uuliyiin ka tirsan Dowladda Federaalka iyo dadweyne fara badan ayaa ka qeyb galay salaadda Janaazada Allaha u naxariistee Guddoomiyihii degmada Hodan Marxuun Cabdixakiin Dhagajuun oo lagula tukaday masjidka Isbahaysiga Islaamka, waxaana isla maanta lagu aasay xarunta degmadii uu Gudoomiyaha ka ahaa ee degmada Hodan.
Waxay dhammaantood Eebbe uga baryeen in uu marxuumka jannadii Firdows ka waraabiyo.
Guddoomiyihii degmada Hodan Marxuun Cabdixakiin Dhagajuun ayaa habeen hore ku dhintay rasaas uu furay askari ka tirsan Booliska oo ku sugnaa kontrol ku yaalla isgoyska Howlwadaag, xili gaariga guddoomiyaha uu halkaas marayey.
Dilka marxuum Dhegajuun oo si weyn looga xumaaday ayaa waxaa ka tacsiyadeeyey madaxda DF, iyadoo Maamulka gobolka Banaadir uu magacaabay guddi baaritaan ku sameeya sida uu u dhacay dilka oo sidoo kale loo xiray taliyeyaal ciidan iyo askar.
Xafiiska Shabakada Allbanaadir.com
Muqdisho Somalia
Allbanaadir@live.com
