Shacab boqolaal gaaraya ayaa maanta bannaanbax careysan ka dhigay qeybo ka mid ah Muqdisho, iyagoo xiray qaar ka mid ah jidadka magaalada.
Dadka dibed-baxayey ayaa dalbanayey in cadaaladda la horkeeno dadkii ka danbeeyay dilkii guddoomiyaha degmada Hodan oo xalay ku baxay rasaas ay fureen askar ka tirsan ciidaamada DF.
Shacabka dibad baxayey ayaa xiray isgoyska Tarabuunka, waxayna wadadda ku gubeen taayaro, iyagoo dhagxaan ku tuurayay gaadiidka iyo goobaha ganacsiga.
Guddoomiyaha Gobolka Banaadir ayaa sheegay inuu guddoomiyihii degmada Hodon ku dhintay is-rasaaseyn ka dhacday inta u dhaxeysa is-goysyada Aaden Cadde iyo Howlwadaag ee magaalada Muqdisho, isagoo magacaabay guddi soo baara sida ay wax u dhaceen.
Xafiiska Shabakada Allbanaadir.com
Muqdisho Somalia
Allbanaadir@live.com
