Ciidanka xoogga dalka gaar ahaan ururka 4-aad guutada 16-aad ee Kumaandoska Danab ayaa howlgallo dad lagu dilay ka sameeyay waddada isku xirta Muqdisho iyo Jowhar oo mudooyinkan dambe aheyd mid amaankeedy aad liito ka dib markii Al-shabaab ay ka fuiliyeen weeraro iyo qaraxyo dad badan lagu laayey.
Saraakiisha Danab ayaa sheegay in howlgalkan oo ahaa mid waddada looga nadiifinayo Al-shabaab ay Ciidanku ku dileen dagaalyahano ka trsan kooxdaas oo doonayey inay dhibaateyaan dadka rayidka ah ee waddada isticmaala sida ay sheegeen
Taliyaha urur 4-aad guutada 16-aad ee Kummaandoska Xoogga Dalka ee Danab ayaa sheegay in intii ay ku guda jireen howlgalka ay waddada ka soo saareen Miinooyin Al-shabaab galiyeen inta u dhexeysa degmada Balcad iyo magaaladda Jowhar.
“Waan sii wadeynaa howlgalada lagu baacsanayo argagaxisada tan iyo laga ciribtirayo gobolka Sh/dhexe iyo guud ahaan Somalia” ayuu yiri Taliyaha urur 4-aad guutada 16-aad ee Kummaandoska Xoogga Dalka ee Danab.
Xafiiska Shabakada Allbanaadir.com
Muqdisho Somalia
Allbanaadir@live.com
