Warar lagu kalsoonaan karo oon helnay ayaa sheegaya in Madaxda maamulada Puntland iyo Jubbaland beri oo Axad ah kusoo wajahan yihiin magaalada Muqdisho si ay kulamo ula qaataan Madaxweynaha Soomaaliya.
Wafdi horu dhac u ah labada Madaxweyne ee Puntland iyo Jubbaland ayaa soo gaaray magaalada Muqdisho kuwaa oo diyaarinaya goobihii ay degi lahaayeen Madaxdaasi iyo gaadiidkii garoonka looga soo qaadi lahaa.
Madaxda labada maamul ayaana sida aan wararka ku helnay loo diyaarinayaa guryo ku dhaw xarunta Madaxtooyada Soomaaliya halkaasi ay degi doonaan iyaga iyo wafdiga la socda dhoorka maalin ay joogaan magaalada Muqdisho.
Madaxweynaha Puntland Siciid Cabdulaahi Deni iyo Madaxweynaha Jubbaland Axmed Madoobe ayaa magaalada Muqdisho u imaanaya si ay shir ula yeeshaan Madaxweynaha Soomaaliya ugana wada hadlaan arimaha doorashada.
Maamulada Jubbaland iyo Puntland ayaan horey uga qeyb galin shirkii ka dhacay magaalada Dhuusomareeb, waxa ay sidoo kale labadan maamul kasoo horjeesteen natiijadi kasoo baxday shirka Dhuusomareeb 3.
