Agaasimihii Madaxtooyada Villa Soomaaliya Dr. Nuur Diiriye Fursade ayaa iska casilay shaqada Madaxtooyada, kaddib muddo sanad ah oo uu xilkas hayay sida ay sheegayaan warar lagu kalsoon yahay oo ku dhow Villa Somalia.
Dr. Fursade kama hadlin sababta uu shaqada uga tagay balse wararka qaarkood ayaa sheegaya inuu xafiiska u baneeyey arrimo isaga u gaar ah awgood
Waxaa uu ka mid ahaa shaqsiyaadka loo saadaalinayay in loo magacaabayo xilka Ra’iisul Wasaaraha cusub ee Somalia, mana cadda in shaqo ka tagidiisa ay la xiriirto ku hungoobida xilkaas oo dhowaan uu baneeyey RW hore Xasan Cali Khayre.
Agaasimaha iscasilay ee Madaxtooyada Dr. Nuur Diiriye Fursade oo dib ugu laabtay dalka Canada oo dhalasho labaad uu ka heysto ayaa saaxiib dhow la ahaa Madaxweyne Farmaajo
Waxaa uu noqonayaa agaasimihii Shanaad ee soo mara Madaxtooyada Somalia tan iyo markii xilka loo doortay Madaxweyne Farmaajo oo hadda laga joogo Saddex sano iyo bar.
Xafiiska Shabakada Allbanaadir.com
Muqdisho Somalia
Allbanaadir@live.com
