Madaxweyne ku-xigeenka Maamulka Galmudug ayaa maanta guddoomiyay shirkii amniga Galmudug oo todobaadkiiba mar ka dhaca caasimadda Galmudug magaalada Dhuusamareeb.
Shirkan ayaa waxaa diiirada lagu saaray sare u qaadida amniga guud ee Galmudug, iyadoo Mas’uuliyiintu sidoo kale ku dheeraadeen sare u qaadida Amniga caasimadda Galmudug ee Dhuusamareeb iyo deganada kale ee hoos taga Maamulka.
Madaxweyne ku-xigeenka Galmudug Mudane Cali Daahir Ciid ayaa Saraakiisha Booliska, Nabad-sugida iyo Milatariga Galmudug ka dhegaystay warbixino la xiriira xaalada amniga Galmudug iyo goobaha ay ka jiraan dhibaatooyinka amni daro si wax looga qabto.
Warbixinta Saraakiisha Amniga ka dib Madaxweyne ku-xigeenka Galmudug ayaa bixiyay Awaamir sare logu qaadayo Amniga guud ee Galmudug gaar ahaan Amniga caasimadda Galmudug ee Dhuusamareeb iyo nawaaxigeeda, waxaana shirkaas uu ku dhamaaday jawi isfaham leh.
Xafiiska Shabakada Allbanaadir.com
Muqdisho Somalia
Allbanaadir@live.com
