Qarax ayaa la soo sheegayaa inuu saaka ka dhacay magaalada Marko ee gobolka Shabeellaha hoose kaasoo jugtiisa laga maqlay xaafadaha magaalada intooda badan.
Wararka ayaa sheegaya in qaraxa oo loo adeegsaday miinada dhulka lagu aaso uu ka dhacay afaafka hore ee Maxkamadii hore ee Magaalada Marko.
Goob joogayaal ayaa sheegaya in qaraxaas uu ku dhaawacmay hal qof oo shacab ahaa, kaasoo goobta marayay xilliga uu qaraxa dhacayay.
Ciidamo ka tirsan kuwa dowladda ayaa qaraxa ka dib halkaas gaaray kuwaasoo la sheegay iney howlgal ku soo qabteen dhowr qof oo looga shakisan yahay inay ka dambeeyeen.
Maamulka gobolka Shabeellaha Hoose iyo saraakiisha Ciidamada dowladda ayaan weli wax faahfaahin ah ka bixin qaraxa ka dhacay Magaalada Marko oo sida la aaminsan yahay ay ka dambeysay kooxda Al-Shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
