Wasaaradda dhalinyarada iyo Ciyaaraha ee dowlada Soomaaliya ayaa joojisay guud ahaan tartamada ciyaaraha kala duwan ee dalka si looga hortago faafitaanka cudurka Coronavirus oo caalamka dhibaato ku haya.
Wareegto ay soo saartay wasiirka dhalinyarada iyo ciyaaraha ee xukuumada Somalia ayey ku sheegtay in muddo 15 maalmood ah la hakiyey ciyaaraha ka socda garoomada.
Talaabadan ayaa qeyb ka ah dedaalada ay DF kaga hortegayso faafida cudurka Coronavirus oo kiiskii ugu horeeyey laga helay Somalia maalmo ka hor.
Ra’iisul Wasaaraha Somalia Xasan Cali Khayre ayaa xalay shaaciyay in dowladda Soomaaliya ay shan Milyan oo Dollarka mareykanka ah u qoondeysay la tacaalidda caabuqa COVID- 19, dhammaan dalka oo dhan.
Sidoo kale Ra’iisul Wasaaraha ayaa ku dhawaaqay in la xirayo dhammaan goobaha waxbarashada sida dugsiyada iyo jaamacadaha, laga billaabo maanta iyagoo xirnaan doona muddo 15 maalin ah, si looga hortago faafidda caabuqa.
HOOS KA AKHRISO QORAALKA WASIIRAD KHADIIJO
Xafiiska Shabakada Allbanaadir.com
Muqdisho Somalia
Allbanaadir@live.com
