Dagaal iyo duqeymo culus ayaa waxay ka dhaceen caawa degaanka ceelasha biyaha ee duleedka Magaalada Muqdisho.
Goob joogayaal ku sugan degaanka ceelasha ayaa sheegaya in dagaalku uu ka dhacay meel lagu magacaabo Arbacow markii xoogag taabacsan Al-shabaab ay weerar ku soo qaadeen saldhig ay halkaas ku leeyihiin ciidamada AMISOM.
Daryanka madaafiic xoogan ayaa caawa laga maqlayey degaankaas kuwaasoo ay ridayeen ciidamada AMISOM oo duqeynayey degaano howd ah oo ay ka soo baxeen kooxihii soo weeraray, waxaana jiray dagaal toos oo ah labada dhinac dhexmaray.
Shacabka ku nool degaanka ceelasha biyaha ayaa sheegay iney cabsi xoogan dareemayaan, ayna ku xiran yihiin guryahooda.
Xaalada degaanka ayaa kacsan lamana oga illaa hadda khasaaraha ka dhashay dagaalkaas oo ahaa kii ugu cuslaa ee mudooyinkan ka dhaca degaanadaas, mana jiraan warar ay dagaalkaas ka soo saareen dhinacyada uu u dhexeeyey.
Xafiiska Shabakada Allbanaadir.com
Muqdisho Somalia
Allbanaadir@live.com
