Qarax nuuca miinada dhulka lagu aaso ayaa saakay meel ku dhaw Ex-Koontarool Balcad ee Degmada Hiliwaa lagula eegtay kolonyo gaadiid ah oo ay wateen ciidamada AMISOM ee nabad ilaalinta u jooga Soomaaliya.
Qaraxa kadib ayaa la sheegay in ciidamada AMISOM ay fureen rasaas xoogan oo khasaaro kala duwan kasoo gaartay dad shacab ah oo ka agdhawaa goobta qaraxa lagula beegsaday gaadiidkooda
Inta la xaqiijiyay sadex qof oo shacab ah ayaa ku geeriyootay rasaasta ay fureen ciidamada AMISOM, waxaa sidoo kale dhaawacyo soo gaareen labo qof kale oo shacab ah oo iyana ku sugnaa aaga uu qaraxu ka dhacay.
Lama oga khasaaraha ciidamada AMISOM kasoo gaaray qaraxa miino ee saakay lagula eegtay meel ku dhaw Isgooska Ex-koontarool Balcad , waxaana aaga qaraxu ka dhacay daqiiqado badan ku sugnaa ciidamada la weeraray.
Ciidamada AMISOM ayaa inta badan qaraxyo miino lagula eegtaa laamiga Warshadaha, waxaana ciidmada AMISOM qaraxyada kadib rasaas xoogan ku furaan dadka shacabka ah ee ka agdhaw halka lagu weeraro.
Xafiiska Shabakada Allbanaadir.com
Muqdisho Somalia
Allbanaadir@live.com
