Haweeney kasoo jeeday dalka Japan loona aqoonsaday in ay aheyd qofkii ugu da’da weynaa Caalamka ayaa shalay oo sabti ah ku geeriyootay Isbitaal kuyaala Dalka Japan iyada oo jirta Da’da 117-sano.
Buuga lagu diwaan galiyo Dhacdooyinka Caalamka ee Guinness World Records ayaa sanadkii hore Nabi Tajima oo u dhalatay dalka Japan u aqoonsaday in ay tahay qofkii ugu da’da weynaa caalamka dadka wali kunool.
Nabi Tajima ayaa dhalatay 4-ta bishii August Sanadkii,1900, waxa ayna shalay ku geeriyootay Isbitaal kuyaala Jasiiradda Kikai ee Gobolka  Kagoshima ee dalka Japan iyada oo jirta 117-sano iyo dhoor bilood.
Haweeneydan u dhalatay dalka Japan ayaa sanadkii hore 2017-dii loo aqoonsaday qofka ugu da’da weyn caalamka kadib markii uu geeriyooday Violet Brown oo horey u ahaa qofkii uga da’da weynaa caalamka waxa uuna isna jiray markii uu geeriyoonayay 117-sano.
Xafiiska Shabakada Allbanaadir.com
Muqdisho Somalia
Allbanaadir@live.com
