Kumanaan dadweyne ah kana careesnaa dilkii Mareykanka u geestay taliyihii ciidamada Xulka ee Qudus Jeneraal Qasim Sulemani ayaa maanta isugu soo baxay wadooyinka magaalada Bagdaad ee caasimada dalka Ciraaq.
Dadka banaan baxa dhigayay ayaa aad uga careesnaa dilka loo geestay taliyaha oo ahaa nin saameyn badan iyo awood muuqata ku dhax lahaa ciidamada ilaalada kacaanka ee dalka Iiraan .
Dibad baxayaasha ayaa watay boorar ay ku xardhanaayeen sawirada taliyaha la dilay waxa ayna dadka ku dhawaqaayeen hal ku dhigyo ay kamid ahaayeen Mareykanku ha dhinto hana dhaco.
Dilka Mareykanka u geestay taliyihii ciidamada xulka ee Qudus oo ah cutubyo qaabilsan howlgalada dibada gaar ahaan Bariga Dhaxe ayaa dhaliyay xiisad meel xun gaartay oo u dhaxeeya Mareykanka iyo Iiraan.
Dowlada Iiraan ayaa ku hanjabtay in ay ka aargoosan doonto Mareykanka , waxaana durba bariga dhaxe laga dareemayaa cabsi laga qabo in uu dhaco dagaal iyo aargoosi ka dhalan kara dilkii Jeneraal Qaasim.
Xafiiska Shabakada Allbanaadir.com
Muqdisho Somalia
Allbanaadir@live.com
