Guddoomiyaha Golaha Shacabka Soomaaliya Mudane Maxamed Mursal Shiikh Cabdiraxmaan ayaa magaaladda Ankara ee dalka Turkiga kula kulmay dhiggiisa dowladda Turkiga Mudane Mustafa Şentop.
Waxay ka wada hadleen labada guddoomiye xoojinta xiriirka labada Baarlamaan iyo isdhaafsiga khibradaha.
Sidoo kale Guddiyada labada Baarlaman ee Dawladaha Soomaaliya iyo Turkiga waxay isdhaafsan doonaan booqashooyin, sida lagu sheegay qoraal laga soo saaray shirka, Waxaana Aqoon kororsi iyo tababaro la siin doonaa shaqaallaha Baarlamaanka, sida lagu daabacay Bogga rasmiga ah ee Golaha Shacabka Baarlamaanka Jamhuuriyadda Federaalka Soomaaliya.
Inta uu soconayay kulanka u dhexeeyay labada dhinac ayaa Guddoomiye Mursal ku casuumay dhiggiisa Turkiga in uu yimaado Soomaaliya, waxaana Guddoomiya Baarlamaanka Soomaliya uu wadaa dadaalo uu ku doonayo in Guddiyada iyo xubnaha kale ee Baarlamaanka ay helaan tabarro iyo booqashooyin Khibrad Is-dhaafsi ah.
Xafiiska Shabakada Allbanaadir.com
Muqdisho Somalia
Allbanaadir@live.com
