Kooxda Al-Shabaab ayaa sheegtay in xalay ay Sarkaal ka tirsan Ciidanka xoogga dalka ku dileen Magaalada Jowhar ee gobolka Sh/dhexe.
War lagu faafiyey warbaahinta taageerta Al-Shabaab ayaa sheegtay in sarkaalka ay dileen uu ahaa Xidigle ka tirsanaa ciidamada ka howlgala magaaladaasi.
Sidoo kale waxay intaasi ku dartay in raggii dilay ay horay u sii qaateen qori Ak-47 ah oo uu watay askariga la dilay.
Laamaha amaanka Maamulka Hirshabelle ayaan kaa hadlin dilka Sarkaalkan ay kooxda Al-shabaab sheegtay inay ku dishay Magaaladda Jowhar.
Jowhar oo xarun u ah Maamulka Hirshabelle ayaa ka mid ah Magaalooyinka ugu nabdoon Koonfurta Soomaaliya ee ay ku yar yihiin dilalka iyo qaraxyada.
Xafiiska Shabakada Allbanaadir.com
Muqdisho-Somalia
Allbanaadir@live.com
