Ciidamada Ahlu Sunna ayaa maanta degmada Guriceel ku qabtay nin dhalinyaro ah oo doonayay in uu isku qarxiyo munaasabad magaaladaasi ka socotay ayna ka qeyb galayeen Madaxda sare ee Ahlu Sunna.
Ninkan oo jirkiisa waxyaabaha ku xirnaayeen ayaa damcay inuu isku qarxiyo goob ay joogeen Hogaanka ugu sareysa Kooxda Ahlu Sunna , saraakiil iyo masuuliyiin kale oo katirsan maamulka Galmudug.
Ciidamada Ahlu Sunna ayaana si deg deg ah u qabtay ninkan kadib markii ay u qarxi waayeen waxyaabihii jirkiisa ku xirnaa, waxa ayna ciidamada ka fureen qaraxyada iyagoona isla goobtaasi ugu geestay jirdil xoogan.
Dadkii munaasabada ku sugnaa iyo ciidamada qaar ayaana laga celiyay ninkan doonayay in dadka goobtaasi ku laayo, waxa ayna dadkan oo careesnaa doonayeen in ninkaasi noloshooda halista galiyay in si xun u jir dilaan.
Ciidamada baarista Ahlu Sunna ayaa la wareegay ninkan doonayay in uu is qarxiyo, waxa ayna ciidamada durba bilaabeen baaritaano deg deg ah ninkaasi ku sameenayaan , waxaana ciidamada Ahlu sunna la galiyay heegan .
Xafiiska Shabakada Allbanaadir.com
Muqdisho-Somalia
Allbanaadir@live.com
