Ciidamo katirsan Nabad sugida iyo Booliiska Soomaaliya ayaa maanta iska hor imaad khasaaro geestay waxa uu ku dhax maray agagaarka Isgooska Banaadir ee magaalada Muqdisho.
Sida aan Wararka ku helnay iska hor imaadka ayaa ka dhacay barkoontarool oo kuyaala agagaarka isgooska Banaadir, waxaana iska hor imaadka ciidanka dhax maray ka dhashay kala shaki.
Ciidamada Nabad sugida Soomaaliya ayaa la sheegay in ay ka shakiyeen Ciidamada booliiska oo halkaasi marayay, waxaana labada dhinac dhax maray iska hor imaad dhoor daqiiqo socday.
Goobjoogayaal ayaa Warbaahinta u sheegay in hal askari oo kamid ahaa ciidanka booliiska ayaa halkaasi ku dhintay, lamana oga in iska hor imaadkan uu khasaaro kasoo gaaray dad shacab ah.
Ciidamada dowlada Soomaaliya ayaa markan bilaabay in ay kala shakiyaan, kadib markii ragii hubeesnaa ee xalay weerarka ka geestay magaalada Muqdisho soo xirteen dareeska ciidanka booliiska.
Xafiiska Shabakada Allbanaadir.com
Muqdisho Somalia
Allbanaadir@live.com
