Sida ay sheegayaan wararka naga soo gaaraya gobollada Jubbooyinka gaar ahaan Jubbada hoose ayaa sheegaya in xoogaga Al-Shabaab ay dib ula wareegeen gacan ku heynta deegaano laga saaray dhowaan oo ku u yaalla hareeraha magaalada Kismaayo.
Deegaanada Janaay Cabdalle iyo Beerxaani oo hoos yimaada magaalada Kismaayo ayaa maanta dib ugu laabtay Xoogaga Al-Shabaab iyagoo aan la kulmin wax iska caabin ah
Ciidamo huwan ah oo isugu jira kuwa maamulka Juballand iyo kuwa Kenya oo gacan ka helaya ciidamao Maraykan ah ayaa iskood uga baxay degaannada Janaay Cabdalle iyo Beerxaani ka hor inta aysan halkaas dib ula wareegin Al-Shabaab.
Ciidamadii huwanta ahaa ayaa dib ugu laabtay garoonka dayuuradaha Magaalada Kismaayo iyo deegaanka Cabdalla Biroole.
Arintan ayaa dhabarjab ku ah maamulka Axmed Madoobe oo todobaadyadii la soo dhaafay sheegayey iney duulaan ku qaadi doonaan degaano ka tirsan jubbooyinka oo ay gacanta ku hayaan Al-shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
