Dagaal culus ayaa caawa ka dhacay degaanka Qalimow ee 25km koonfur kaga toosan magaalada Jowhar ee gobolka Sh/dhexe.
Xoogag taabacsan Al-Shabaab oo halkaas weeraray ayaa la sheegayaa iney fooda is dareen ciidamada dowlada ee degaankaas ku sugnaa.
Qaraxyo iyo rasaas kala nooc ah ayaa laga maqlay bartamaha degaanka Qalimow kuwaasoo labada dhiac ay isweydaarsanayaan, iyadoo dadku degaanku sheegeen ineysan ka soo bixi Karin guryaha ayna beerka dhulka ku hayaan.
Cabsi iyo khal-khal xoogan ayaa ka jira caawa degaanka Qalimow iyo degaanada ku dhow, iyadoo wararka qaar sheegayaan in ciidamada dowlada ay weli gacanta ku hayaan degaanka.,
Weli lama oga khasaaraha ka dhashay dagaalkan, waxaana weli qeybo ka mid ah degmadaas laga maqlayaa rasaas goos goos ah.
Dagaalkan ayaa ku soo aadaya xili todobaadkii hore Wasiirka gaashaandhiga Somalia uu sheegay in ciidamada dowlada ay gobolka Sh/dhexe ka sifeeyeen Xoogaga Al-Shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
