Waxaa mudo kadib dib u furmay hawlihii shaqo ee dawladda Maraykanka oo hakad ku jiray mudo todobaadyo, waxaana talaabadan si weyn usoo dhaweeyay Boqolaal kun oo dad ah oo saameyn badan ku yeelatay Hakadka howlaha dowlada.
Madaxweynaha dalka Maraykanka Donald Trump ayaa xalay saxiixay heshiis ogolaanaya in mudo sadex isbuuc ah dib loo furo hawlihii shaqo ee dawladda Maraykanka ee mudada hakadka ku jiray.
Heshiiskan cusub uu saxiixay Madaxweynaha dalka Mareykanka ayaa fursad u siinaysa shaqaalaha dowladda Mareykanka ee uu hakadku saameeyay inay dib u helaan mushaharkoodii iyo gunadii ka maqneyd.
Madaxweyne Trump ayaa diiday in uu saxiixo miisaaniyada dowlada Mareykanka ee sanadka 2019-ka, waxa uuna codsaday in miisaaniyada lagu daro lacag balaayiin Dollar ah uu doonayo in uu ku dhiso darbi kala xiraya Mareykanka iyo Mexcio.
Shaqada dowlada Mareykanka ayaa gashay hakadkii ugu dheeraa taariikhda, waxaana heshiiskan cusub uu saxiixay Madaxweyne Trump fasaxayaa in shaqada socoto ilaa 15-ka bisha Febraayo.
Xafiiska Shabakada Allbanaadir.com
Muqdisho Somalia
Allbanaadir@live.com
