Madaxweynaha Soomaaliya Maxamed C/llaahi Farmaajo ayaa lagu wadaa maanta inuu gaaro Degmada Hobyo ee Gobolka Mudug.
Safarka Madaxweynaha uu ku tagayo Magaalada Hobyo ayaa la xiriira dhagax dhiga dhismaha Dekadda magaalada Hobyo oo maamulka Galmudug ay si wayn u daneynayaan.
Wafdi Xildhibaano iyo Senetaro isugu jira ayaa gaaray maalin kahor Magaalada Hobyo si ay halkaasi ugu sii diyaariyaan soo dhaweynta Madaxweynaha Soomaaliya iyo Wafdigiisa loo sameynayo.
Amaanka degmada Hobyo ayaa si weyn loo adkeeyey maanta iyadoo qaban-qaabo iyo diyaar loogu jiro soo dhoweynta madaxweynaha laga dareemayo degmadaas.
Farmaajo oo safar dheer ku maray magaalooyin iyo degaano badan oo ka tirsan Puntland iyo Galmudug ayaa marka uu dhameysto booqashadiisa hobyo waxaa la filayaa inuu dib ugu soo laabto magaalada Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
