Xukuumadda Soomaaliya ayaa wada qorshe dalka dib loogu soo celinayo Maxaabiista Soomaaliyeed oo ku xirnaa dalka Hindiya oo badankood la siidaayay ka dib heshiis dhexmaray labada dowladood.
Wasiiru dowlaha arrimaha dibedda Somalia ayaa shaaca ka qaaday in 43 ka mid ah Maxaabiista Soomaalida xabsiyada India laga sii daayey isagoo xusay in dowladda Federaalku ay diyaarineyso dayuiurad lagu soo qaado si ay u yimaadaan dalkoodii hooyo.
Maxaabiista harsan ayuu sheegay in la soo deyn doono bisha Febraayo, dowladdana ay ku dadaaleysa sidii muwaadiniinteeda ay dib ugu soo celin laheyd dalkeeda.
Maxaabiis Soomaalidu ah oo ka badan 100 kuna eedeeysan burcad badeednimo ayaa ku jiray xabsiyada dalka India kuwaasoo lagu xukumay sanado kala duwan, qaarkood xukunkooda wey dhameysteen kuwa kalena xabsiyada dalka ayaa loo soo wareejin doonaa sida ay ku heshiiyeen dowladaha Hindiya iyo Somalia.
Xafiiska Shabakada Allbanaadir.com
Muqdisho Somalia
Allbanaadir@live.com
