Qarax gaari nuuca raaxada lagu soo xiray ayaa barqonimadii maanta ka dhacay waaxda 1-da March ee degmada Waabari, waxaana faah faahino kasoo baxayaa qaraxan iyo khasaaraha ka dhashay.
Sida aan Wararka ku heleyno qaraxan ayaa gaarigiisa loogu soo xiray nin magaciisa lagu sheegay Cismaan dheere oo la tilmaamay in shaqaalaha dowlada federaalka Soomaaliya katirsan yahay.
Qaraxan waxaa ku dhaawacmay ruuxii watay, lamana soo sheegin khasaaro kasoo gaaray shacab ka ag dhawaa halka uu gaarigu ku qarxay, waxaana halka uu qaraxa ka dhacay baaritaano ka sameeyay ciidamada booliiska.
Qaraxyada gawaarida hoosta looga xiro ayaa inta badan lala eegtaa shaqaalaha iyo ciidanka dowlada , waxaa sidoo kale mararka qaar qaraxyada nuucaasi ah baabuurta loogu xiraa dadka magaca leh sida Wariyaasha.
Xafiiska Shabakada Allbanaadir.com
Muqdisho Somalia
Allbanaadir@live.com
